АРШАНСКАЕ ЕВАНГЕЛЛЕГалоўная »
АРШАНСКАЕ ЕВАНГЕЛЛЕ – рукапіс XIII ст. Знойдзены ў 1812 годзе ў Оршы. Мяркуюць, створаны на Полаччыне. Захаваліся 142 аркушы рукапісу (без пачатку і канца), пісаныя уставам 2-й паловы XIII ст. на высакаякасным пергаменце.
У Аршанскім Евангеллі змешчаны 2 мініяцюры з выявамі Лукі і Мацвея, 2 застаўкі і 310 ініцыялаў з варыяцыямі старавізантыйскіх і першапачатковых тэраталагічных формаў (у асобных ініцыялах – выява чалавека). Выкананыя, мяркуюць некаторыя, не без уздзеяння раманскага мастацтва. Захоўваецца ў Цэнтральнай навуковай бібліятэцы АН Украіны. |