БЕЛАРУСКІ ДЗЯРЖАЎНЫ УНІВЕРСІТЭТ, БДУ аснаваны ў 1921 г. у Мінску. Першы рэктар Уладзімір Пічэта. У 1930 – 1932 гг. на базе асобных факультэтаў БДУ арганізаваны мінскія медыцынскі, педагагічны і юрыдычны інстытуты, Беларускі інстытут народнай гаспадаркі, а таксама шэраг іншых ВНУ. У 1928 – 1931 гг. пабудаваны універсітэцкі гарадок (галоўны корпус і асобныя факультэты).
У гады ВАВ навучальна-матэрыяльная база універсітэта знішчана нямецка-фашысцкімі захопнікамі. Аднавіў заняткі ў 1943 г. пад Масквой (ст.Сходня), з 12.09.1944 гг. у Мінску.
У 1993/94 навучальным годзе факультэты: біялагічны, геаграфічны, гістарычны, журналістыкі, механіка-матэматычны, прыкладной матэматыкі і інфарматыкі, радыёфізікі і электронікі, фізікі, філалогіі, філасофска-эканамічны, хімічны, юрыдычны, падрыхтоўчы для замежных грамадзян. Пазней дадаліся новыя; дауніверсітэцкай падрыхтоўкі. Навучанне дзённае і завочнае. Аспірантура з 1927 г., дактарантура з 1988 г.
Мае некалькі НДІ, інфармацыйна-вылічальны і навукова-інжынерны цэнтры, выдавецтва, бібліятэку фундаментальную БДУ, больш за 10 праблемных і галіновых лабараторый, 3 музеі, навучальна-доследную гаспадарку «Шчомысліца», біялагічныя станцыі «Нарач» і «Вілейка», навучальна-вытворчую геаграфічную базу «Заходняя Бярэзіна».
Выдае шматтыражную газету « Беларускі універсітэт» (з 1923 г.) і навуковы часопіс «Веснік Беларускага дзяржаўнага універсітэта» (з 1969 г., у 4 серыях) і інш.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.