БЯСЕДНЫЯ ПЕСНІ, застольныя песні – творы народнай лірыкі, што спяваліся ў застоллі пры частаванні. У многіх мясцінах мелі свае тамтутэйшыя назвы (гасцявыя, кірмашовыя і інш.). Нямала іх было сярод песень дажынкавых, талочных, радзінных і інш., таму бяседныя песні былі згодна прызначэння пазаабрадавыя, каляндарна-абрадавыя і сямейна-абрадавыя самай рознай тэматыкі. Многія з іх узвышалі шчодрых гаспадароў, багаты стол, жаданых гасцей. Пэўная ідэалізацыя дастатку больш адлюстроўвала мару, пажаданне простага чалавека, чым рэальнасць.

У некаторых бяседных песнях выяўляліся побытавыя рэчы – нялёгкая доля нявесткі, ліхая свякроў, жорсткі муж і інш.