ВАЗА (франц. пасудзіна) – дэкаратыўны ці іншага ўтылітарнага прызначэння посуд, што ўпрыгожвае інтэр'ер у доме ці фасады, агароджы. Вырабляецца з фарфору, шкла, фаянса, гліны, крышталю, металу і інш.

У старажытнай Грэцыі мелі шматлікія назвы (амфара, кратэр і інш.). Размалёўкі на ёй мелі значэнне старажытнага мастацтва.

На Беларусі ў ХVІІІ – ХІХ стст. вазы вырабляліся ганчарамі ў Слуцку, Барысаве, Магілёве і інш. гарадах, на Радзівілаўскіх і Целяханскай фаянсавых мануфактурах, у савецкі час – на Мінскім фарфоравым заводзе, шклозаводзе «Нёман», Барысаўскім крышталёвым заводзе, аб'яднанні «Беларуская мастацкая кераміка» і інш.