АРХЕАГРАФІЧНЫ ЗБОРНІК ДАКУМЕНТАЎ, «Археографический сборник документов, относящихся к истории Северо-Западной Руси, издаваемый при Управлении Виленского учебного округа» — серыйнае выданне дакументаў па гісторыі гаспадаркі, палітычнага ладу, суда, права і царквы Беларусі і Літвы 15 — 19 ст. Выйшла 14 т. (1867 — 1904).
У выданні ўдзельнічалі П.А.Гільтэбрант, Дз.I.Даўгяла, Ф.М.Дабранскі, Ю.Ф.Крачкоўскі і інш. Змешчана шмат матэрыялаў пра матэрыяльную і духоўную культуру беларусаў, у тым ліку пра гаспадарча-вытворчую дзейнасць, копныя суды, звычаёвае права, адзенне, жыллё, ежу, рамёствы, абрады, звычаі, сямейны і грамадскі побыт. Шмат царкоўных актаў. Ёсць дакументы па гісторыі Магілёва («Записки игумена Ореста»), Смаленска, пра барацьбу працоўных супраць феадалаў і інш.
Частка дакументаў надрукавана на мове арыгінала (беларускай, польскай, лацінскай), частка ў перакладзе на рускую мову, невялікая колькасць на нямецкай, французскай, італьянскай мовах. У 1905 г. I.Я.Спрогіс склаў і выдаў падрабязны алфавітны паказальнік да т. 1 — 13.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.