БАНДУРКА — народны струнны шчыпковы музычны інструмент; адзін з найбольш старажытных інструментаў.

Формаю нагадваў лук: уяўляў сабой сагнутую ў дугу драўляную палку, канцы якой былі сцягнуты вяроўкай-струной. Адным канцом лук клаўся на ніжнія зубы таго, хто іграў; адкрыты рот выканаўцы служыў натуральным рэзанатарам. Ігралі на бандурцы., пашчыпваючы вяроўку ўказальным пальцам правай рукі.

Бытаванне бандуркі на Палессі адзначана ў канцы 19 — пачатку 20 ст. Ч.Пяткевічам.