БАРТАШОЎСКАЯ КАПЛІЦА СВЯТОЙ ГАННЫГалоўная »
БАРТАШОЎСКАЯ КАПЛІЦА СВЯТОЙ ГАННЫ размяшчаецца ў вёсцы Барташы Шчучынскага раёна Гродзенскай вобласці. Пабудавана ў 1992 г. з цэглы.
Вырашана прамавугольным у плане будынкам пад двухсхільным дахам. Франтальны фасад вылучаны па цэнтры двухгранным шчытом мансарды, рытмічна расчлянёнай прамавугольнымі аконнымі праёмамі. Да тарцовага фасада далучаны нізкі пяцігранны прытвор. Сакральную прыналежнасць будынка адзначае крыж па цэнтры даху.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|