БАЎТУХА — старадаўняя страва. У кіпень сыпалі (увесь час памешваючы) ячную або грэцкую, жытнюю, аўсяную ці пшанічную муку, дабаўлялі алей ці тоўчанае падпражанае льняное семя, падсмажанае з цыбуляй сала. Лакальная назва калатуха. Летам прыпраўлялі пер'ем цыбулі. Пашырана была на Палессі, у паўночна-ўсходніх і паўднёва-ўсходніх раёнах Беларусі. У наш час сустракаецца рэдка.