ДОКШЫЦЫ –
горад, цэнтр раёна, у вярхоўі р.Бярэзіна. За 200 км ад
Віцебска, аўтадарогамі злучаны з
Глыбокім,
Вілейкай,
Лепелем,
Бягомлем.
Герб Докшыц
Упершыню ўпамінаецца ў 1407 г. як мястэчка ў Віленскім ваяводстве
ВКЛ. Спаленыя ў Паўночную вайну 1700-1721 гг., у пажарах знішчаныя даўнія помнікі архітэктуры. У 1795 г. атрымалі
герб. На пачатку XX ст. папулярнасць набыла Докшыцкая
батлейка Патупчыка (лялечны тэатр паказваў прадстаўленні пры ігры на скрыпцы і пры тлумачэнні вядучага; сярод персанажаў былі сяляне, памешчыкі, земскія, ураднікі, карчмары і інш., што ўзмацняла мясцовы каларыт і было, на думку даследчыкаў, «жывой газетай»).
Троіцкі касцёл
У 1921-1939 гг. у складзе Польшчы. 3 1940-га горад. У нямецка-фашысцкую акупацыю горад і ваколіцы страцілі каля 5 тысяч насельнікаў.
Пакроўская царква
Ёсць прадпрыемствы харчовай прамысловасці. 3 помнікаў архітэктуры – царква XIX ст. у псеўдарускім стылі, помнік Вызвалення.