ДРУЖЫНА – 1) у старажытнасці згуртаванне воінаў;

2) баявыя воінскія падраздзяленні, арганізаваныя паводле пэўных прынцыпаў;

3) войска цалкам;

4) карпаратыўная арганізацыя раннефеадальнай знаці вакол асоб княскага паходжання;

5) удзельнікі вяселля – госці ад маладой ці маладога, гурт вясельнікаў, які прыязджаў з маладым па маладую. Незамужніх сястру, блізкую сяброўку маладой называлі дружкай (баяркай, асістэнткай, шаферкай), сярод іх была старшая дружка, асноўная памочніца маладой. Сярод маладых асоб мужчынскага полу вызначаўся дружко (баярын, дружбант, шафер, маршалак), які павінен быў добра ведаць вясельны абрад, умець весяліць гасцей.