"ДЖАНДЖОХА” – традыцыйны танец. У асобных вёсках называўся "Васьмухай", бо яго выконвалі ад 4 да 8 пар. Танцоры ў пары стаялі тварам адзін да аднаго, трымаліся за локці рук і круціліся хутка па чарзе вакол сваёй восі. У гэты час адзін з партнёраў прысядаў, часам прысядалі абодва. Танцоры спявалі: 

Ой, топну нагой,
Ды прытопну другой.
Колькі я не тапачу,
Усё раўно плясаць хачу.

Танец працягваўся да таго часу, пауль усе пары не пракруцяцца. У некаторых мясцінах "Джанджоха" выконвалася як фігура кадрылі. Зафіксаваны ў Віцебскай вобласці.