КАРНІЗ — канструкцыйна-дэкаратыўны элемент афармлення месца стыкоўкі страхі са сцяной. Робяць карнізы з дошак, якімі абабіваюць знізу і з бакоў канцы бэлек, што выходзяць за межы сцен, пад навісямі страхі. Ахоўвае сцены і бэлькі ад атмасферных ападкаў. Звычайна карнізы аздабляюць разьбой геаметрычнага ці стылізаванага расліннага характару, якая нібы звісае і выразна глядзіцца на фоне ценяў на сцяне. Разьбу на накладных дошках робяць і на сцяне пад карнізам, ствараючы з ім адзіны мастацкі элемент.
Карніз дома ў ГомеліНайбольш пашыраны былі карнізы ў канцы ХІХ — пачатку ХХ ст. ў гарадскім жыллі і ў хатах заможных сялян. Асаблівая разнастайнасць і багацце форм карнізаў характэрны для хат Падняпроўя і Усходняга Палесся. Карніз — абавязковы элемент сучаснай хаты.
