«КАШЭЛЬ»Галоўная »
«КАШЭЛЬ» — традыцыйны танец. У некаторых мясцовасцях называўся «Кошык», «Кошычак». Музычны памер 2/4. Тэмп умераны. Выконваўся парамі (часцей у 4 пары). Асноўны крок — «полька» ў пары па крузе.
У танцы дзяўчаты мянялі партнёраў: пераходзілі да таго, які стаяў наперадзе. У некаторых рэгіёнах танец выконваўся ў двух кругах (мужчынскі — унутраны, жаночы — знешні). Выканаўцы, узяўшыся за рукі, рухаліся ў процілеглыя бакі. Мужчыны падыходзілі да знешняга круга з паднятымі ўгору рукамі, апускалі іх і перакрывалі рукі жанчын. Такім чынам рукі выканаўцаў перапляталіся.
Зафіксаваны экспедыцыямі у Гомельскай і Віцебскай абласцях. |