«КАВАЛЬ» – традыцыйны танец. Myзычны памер часцей за ўсё 2/4. Тэмп жвавы. Пабудаваны на імітацыі работы кавалёў. Пластычны лейтматыў — удар молата на накавальні, што ў шматлікіх варыянтах узнаўляўся па-рознаму: кулакамі па калене, абцасамі ці палкамі аб падлогу, далонямі ў далоні. Суправаджаецца рознымі прыпеўкамі, напрыклад:
Я праз кузню ішла,
Малаток знайшла!
Любі мяне, кавалёк,
Падарую малаток.
Зафіксаваны экспедыцыямі ў Гродзенскай, Гомельскай і Віцебскай абласцях.