«КРУГ БЕЛАРУСКАЙ НАРОДНАЙ ПРАСВЕТЫ I КУЛЬТУРЫ», «Круг беларускі» – культурна-асветная арганізацыя. Існавала ў Пецярбургу ў 1902 – 1904 гг. У яе ўваходзілі студэнты ўніверсітэта і тэхналагічнага інстытута.

Арганізацыя выдала друкарскім спосабам «Вязанку» Янкі Лучыны (1903) і «Казкі» (1904), на гектографе – зборнікі «Калядная пісанка на 1904 год» і «Велікодная пісанка» (1904). Спрабавала распачаць выданне нелегальнай газеты «Свабода» (адзіны нумар надрукаваны ў Лідскім павеце ў 1902-м г., але з-за небяспекі знішчаны выдаўцамі).