КУБА (Kuba) Людвік (16.04.1863 г. г.Подзебрадзі, Чэхія — 30.11.1956 г.) чэшскі этнограф, музыказнавец, фалькларыст, мастак і пісьменнік. Народны мастак Чэхаславакіі (1945).

Зрабіў шэраг этнаграфічных экспедыцыяў па славянскіх землях (у 1886 і 1887 гг. быў у Расіі, Беларусі і Украіне), рабіў замалёўкі, запісы народных напеваў. З 1884 г. выдаваў працу «Славянства ў сваіх песнях», дзе акрамя нотных узораў змясціў апісанні мясцовых манераў спеваў, побыту, дэкаратыўна-побытавага мастацтва, замалёўкі сельскіх пабудоваў, касцюмаў, музычных інструментаў, партрэты прадстаўнікоў розных народнасцяў.

Людвік Куба першы апублікаваў запісы беларускіх 2-галосых песень, даследаваў ладавую своеасаблівасць беларускага музычнага фальклору.