КУЧ (Kucz) Мар'ям — польскі фалькларыст і этнограф. У ХІХ ст. — пачатку ХХ ст. змяшчаў публікацыі ў польскім перыядычным друку. У штогодніку «Materialy antropologiczno-archeologiczne і etnograficzne» (Матэрыялы антрапалагічна-археалагічныя і этнаграфічныя. 1900. Т. 4) надрукаваў артыкул «Народныя прыказкі з ваколіц Віцебска, Магілёва, Смаленска і Арла, якія тычаць некаторых мясцовасцей у Расійскай дзяржаве», у якой 71 народны выраз на беларускай і рускай мовах. Ва ўступнай частцы да артыкула даў аб'ектыўнае апісанне жыцця, звычаяў і светапогляду беларускага і рускага насельніцтва.