ЛАТАГалоўная »
ЛАТА — традыцыйная рыбалоўная снасць: аднасценная сетка, прызначаная для лоўлі рыбы на хуткім цячэнні. Называлася таксама сцяна. Па баках сеткі — дзве палкі, да якіх прывязвалі вяроўкі. Аснашчалася паплаўкамі і грузілам так, каб не танула на дно. У час руху ў вадзе лата прымала форму жолаба, каля задняй сцяны якога збіралася рыба. Летам латай рыбачылі як падвалокай, зімой выкарыстоўвалі як зімовьі невад. Каб праверыць улоў, снасці выцягвалі на бераг. Выкарыстоўвалі латы на рэках Брэстчыны і Гродзеншчыны. |