«ЛАТЫШКА» — традыцыйны танец. Музычны памер 2/4. Тэмп умерана хуткі. Яго танцавалі яшчэ ў канцы ХІХ ст. і да сярэдзіны ХХ ст. Кампазіцыя выконваецца на 16 тактаў, пад любую мясцовую польку. У танцы ўдзельнічае неабмежаваная колькасць пар.
Выканаўцы бяруцца за рукі і становяцца ў круг (дзяўчаты перад хлопцамі). Потым усе ўдзельнікі працяглы час рухаюцца па крузе (супраць ходу гадзіннікавай стрэлкі) лёгкім бегам з адкідваннем ног назад, які рытмічна чаргуецца з бегам з акцэнтам на адну нагу. Прыпыніўшыся, робяць два прытупы адной і той жа нагой з адначасовым паўпрысяданнем (кожны прытуп на адзін такт). Потым, адхінуўшыся адзін ад другога, двойчы пляскаюць у далоні. Гэтыя ж рухі ўдзельнікі паўтараюць і ў другі бок. Затым танец пачынаецца спачатку. Зафіксавана ў Ельскім, Петрыкаўскім і Жыткавіцкім раёнах.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.