ЛЕМЦЮГОВА Валянціна Пятроўна (нарадзілася 19.12.1935, в.Новая Алакюль, Ленінградская вобласць) — мовазнаўца, доктар філалагічных навук, прафесар. З 1961 г. — у Інстытуце мовазнаўства АН БССР. Старшыня Рэспубліканскай тапанімічнай камісіі пры НАН Беларусі. Даследуе сучасную беларускую мову, анамастыку. Больш за 200 навуковых працаў прысвечаныя пытанням станаўлення i функцыянавання ўсходне-славянскай айканіміі («Беларуская айканімія», «Фарміраванне ўсходнеславянскай айканіміі ў сувязі з развіццём тыпаў паселішчаў», «SIowianska onomastyka», нарматыўны даведнік «Назвы населеных пунктаў Рэспублікі Беларусь» ды інш.). Аўтар «Украінска-беларускага слоўніка», сааўтар «Руска-беларускага слоўніка грамадска-палітычнай тэрміналогіі», працаў «Анамастычныя словаўтваральныя элементы ва ўсходне- i заходнеславянскіх мовах» (разам з М.В.Бірылам) i «Сучасная беларуская мова», кнігі «Тапонімы распавядаюць».