ЛЕПЕШАЎ Іван Якаўлевіч (нарадзіўся 23.10.1924, в.Іскозы Дубровенскага раёна) – мовазнавец. Доктар філалагічных навук, прафесар. Ветэран Вялікай Айчыннай вайны, мае раненні, узнагароджаны ордэнам Вялікай Айчыннай вайны II ступені, медалямі «За адвагу», «За баявыя заслугі», «За ўзяцце Кёнігсберга» і інш. Напрыканцы 1940-х быў рэпрэсаваны, знаходзіўся ў далёка-ўсходніх лагерах Находкі і Спаска.

Пасля ўмоўна-датэрміновага вызвалення (1955) скончыў Гродзенскі педінстытут, працаваў настаўнікам; з 1971 г. у Гродзенскім універсітэце. Рэабілітаваны ў 1963 г.

Даследуе фразеалогію, мову мастацкай літаратуры. Аўтар 575 публікацыяў, працы «Литературно-краеведческий кружок», больш як 40 кніг («Этымалагічны слоўнік фразеалагізмаў», «Лінгвістычны аналіз тэксту», «У пошуках ісціны», «Надзённае», сааўтар «Практыкума па беларускай мове» ды інш.).