ЛЯПЁХІН Іван Іванавіч (10.09.1740 г., Пецярбург — 06.04.1802 г.), рускі падарожнік, натураліст, этнограф. Член Пецярбургскай АН (1771). Скончыў Пецярбургскі (1762) і Страсбургскі (1767) унты. Асноўная праца — «Дзённыя запіскі падарожжа... па розных правінцыях Расійскай дзяржавы...» (ч.1 — 3, 1771-80 гг.; ч.4, 1805 г.), дзе апісана экспедыцыя AH у 1768-72 гг., кіраўніком якой быў Ляпёхін Іван Іванавіч.

У 1773 г. даследаваў Беларусь і Прыбалтыку (экспедыцыя апісала прыроду, побыт народа, склала гербарый беларускай флоры). Рабоце экспедыцыі прысвечаны артыкул «Экспедыцыя акадэміка I.I.Ляпёхіна на Беларусь і ў Ліфляндыю ў 1773 r.» В.П.Тарановіча (1935).