ЛУКНО — старадаўняя адзінка вымярэння, пераважна мёду. Згадваецца ў «Рускай праўдзе». У актавых матэрыялах XVI ст. вагавы эквівалент лукна не мае пэўнага вызначэння: у адных дакументах ён роўны 10 пудам, у другіх — 50 фунтам.

Лукном называлі і пасудзіну для захоўвання мёду, аднак памер яе невядомы. У адным з актаў (1449) гаворыцца пра «пятнпяднае лукно мёду». Было таксама адзінкай штогадовай мядовай даніны.