МІХАЙЛАЎ Васіль — беларускі казачнік канца XIX ст. з в.Бердзябякі Ельнінскага павету Смаленскай губерні, адзін з інфарматараў Уладзіміра Дабравольскага, які запісаў ад яго казкі і замовы. Казачны рэпертуар В.Міхайлава складалі чарадзейныя, сацыяльна-побытавыя, навелістычныя казкі, анекдоты.

Асабліва цікавыя казкі «Аб Іване Гадзімавічы, Аляксеі Гадзімавічы, Стаўры Гадзімавічы» і «Казка пра Івана Іванавіча, купецкага сына», у якой кантамінуюцца некалькі сюжэтаў. Казачнік вольна валодаў багатай палітрай мастацкага слова, выкарыстоўваў прыказкі і прымаўкі.