«НА РЭЧАНЬКУ»Галоўная »
«НА РЭЧАНЬКУ» — гарадскі бытавы танец. Музычны памер 2/4. Тэмп умераны. Выконваецца пад рускую народную песню «Выйду я на рэчаньку». На Беларусі пашырыўся ў канцы 19 ст. спачатку ў гарадскім, потым у вясковым асяроддзі.
Выконваецца парамі па крузе; падтрымка ў пары самая разнастайная — рукі злучаны накрыж ці далонь у далонь, хлопец можа ў правай руцэ трымаць перад сабой правую руку дзяўчыны, а злучаныя левыя рукі палажыць на левае плячо партнёркі і інш. Танец складаецца з блокаў рухаў, якія паўтараюцца некалькі разоў запар. Асноўны блок рухаў уключае простыя і прыстаўныя, акцэнтаваныя крокі, вярчэнне дзяўчыны пад рукой хлопца або пар у польцы-вальсе, до-за-до і інш.
Танец зафіксаваны па ўсёй Беларусі.
Аўтар: А.Л. Варламаў
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с. |