НАЙМІТЫ — катэгорыя насельніцтва ў 16 — 18 ст., асноўным заняткам якога была праца па найму. Называліся таксама людзі работныя.

Складаліся з сялян, сельскіх і гарадскіх рамеснікаў, якіх наймалі феадалы для работы ў фальварках, на прамысловых прадпрыемствах (рудні, цагельні, смалакурні), купцоў, цэхавых майстроў. Ва ўмовах феадалізму пераважаў часовы найм, сезонная праца ў феадала: з канца 16 ст. найм стаў распаўсюджанай формай эксплуатацыі.