«ОТЕЧЕСТВЕННЫЕ ЗАПИСКИ» — рускі штомесячны «вучона-літаратурны і палітычны» часопіс. Выдаваўся ў Пецярбургу ў 1839 — 1884 гг. 3 1847 г. з выданнем супрацоўнічаў, а ў 1860 — 1866 гг. адзін з рэдактараў-выдаўцоў ураджэнец
Віцебска, літаратурны крытык С. Дудышкін. У часопісе змешчаныя рэцэнзіі М. Чарнышэўскага на нарысы П. Шпілеўскага «Беларусь у характарыстычных апісаннях і фантастычных яе казках» (1854, № 7, 8), «Падарожжа па Палессі і Беларускім краі» (1854, № 12), прысвечаныя жыццю беларускага народа і яго этнаграфіі, рэцэнзія на зборнік «Народныя беларускія песні». У 1881 г. надрукаваныя ўспаміны Ф.А. Калістава (псеўд. К. Листов) «З памятнай кніжкі народнага настаўніка. Вясковая бурса», дзе аўтар апавядае пра сваю дзейнасць у беларускай вёсцы, апісвае побыт і норавы сялянаў, стан народнай асветы.