ПАЛЯВІКГалоўная »
ПАЛЯВІК — вобраз у старадаўніх павер'ях беларусаў і іншых народаў. На тэрыторыі Беларусі яго ўяўлялі ў выглядзе велізарнага ценю. Быў увасабленнем небяспекі, што магла трапіцца чалавеку ў полі, на лузе.
Паводле павер'яў садзейнічаў або шкодзіў людзям: клапаціўся пра ўрадлівасць палёў і лугоў, адпуджваў шкодных насякомых або нахіляў да зямлі жыта, траву, скручваў іх, страшным абліччам і свістам палохаў людзей, прывальваў іх да зямлі, паражаў санцапёкам і нават забіваў. Узімку нібыта зацярушваў снегам дарогу, прымушаў блукаць падарожных.
У беларускім фальклоры вобраз палевіка адлюстраваны пераважна ў былічках.
Крыніца: «Краязнаўчая газета» №20 (661) май 2017 год |