«ПАМЕНТНІК НАВУКОВА-ЛІТАРАЦКІ» — («Pamietnik Naukowo-literacki», «Навукова-літаратурны дзённік»), літаратурна-мастацкі альманах радыкальна-дэмакратычнага кірунку. Выдаваўся на польскай мове Р.Падбярэскім у Вільні ў 1849 — 1850 гг. Выйшлі 2 тамы у 6 кнігах.

Асвятляў грамадска-палітычныя праблемы сучаснасці, змяшчаў матэрыялы, напісаныя з пазіцыяў прагрэсіўнай філасофскай і эстэтычнай думкі, творы А.Адынца, Ю.Гарайна, Э.Жалігоўскага, Ю.Корсака, У.Сыракомлі і іншых ураджэнцаў Беларусі. Выпуск 1851 г. забаронены царскімі ўладамі.