ВУДАГалоўная »
ВУДА — рыбалоўная снасць. Традыцыйная вуда складаецца з вудзільна (драўлянае), лескі (са звітых конскіх валасоў, нітак), паплаўка (з пёраў птушак, хваёвай кары, коркаў), грузіла (у старажытнасці з каменьчыкаў, пазней металічныя), кручка (з косці, галінак, дроту). На кручок прыладжваецца чарвяк, лічынка, муха, падзёнка, гарох, хлеб і іншыя прынады. Ловяць рыбу вудаю з берага і з лодкі.
Раней на цячэнні выкарыстоўвалі напраўныя вуды, так званыя перавалокі, для падлёднага зімовага лову — блісні. На Беларусі вядома з глыбокай старажытнасці.
У наш час вуда — папулярная снасць аматарскага і спартыўнага лову рыбы. У вытворчасці сучасных вудаў шырока выкарыстоўваюцца сінтэтычныя матэрыялы і металічныя сплавы. |