У пятніцу 26 сакавіка ў Нацыянальнай Акадэміі навук Беларусі адбылося ўрачыстае ўзнагароджванне пераможцаў І-га Рэспубліканскага конкурсу творчых пісьмовых работ «За што я люблю родную зямлю», які быў прысвечаны Году малой радзімы і аб’яўлены летам 2020 года Цэнтрам даследванняў беларускай культуры, мовы і літаратуры НАН.
Святлана Шушко, Таццяна Маляўка і Аксана Карповіч — пераможцы І-га Рэспубліканскага конкурсу творчых пісьмовых работ «За што я люблю родную зямлю»
Арганізатары конкурсу атрымалі болей за 800 творчых пісьмовых работ з розных куткоў Беларусі. Дасылалі паэмы, эсэ, казкі, нават невялікія навуковыя даследванні. У паэтычнай форме на конкурс было прадастаўлена 300 работ.
Конкурсныя работы павінны былі быць напісаны на высокім мастацкім узроўні, дасканалай мовай, вызначацца арыгінальнасцю і грамадскай актуальнасцю.
У выніку аўтарытэтнае журы адабрала сярод лепшых работы супрацоўнікаў ДУК «Ганцавіцкая раённая цэнтралізаваная бібліятэчная сістэма» Аксаны Уладзіміраўны Карповіч (дыплом пераможцы ІІ ступені) і Таццяны Уладзіміраўны Маляўка (дыплом пераможцы ў намінацыі «Замілаванне родным краем»), супрацоўніцы ДУК «Ганцавіцкая раённая цэнтралізаваная клубная сістэма» Святланы Уладзіміраўны Шушко (дыплом пераможцы ў намінацыі «Магутная сіла паэзіі»).
| 
