Як інфармуе Ганцавіцкі раённы дом рамёстваў, Вольга Паўлаўна Івановіч стала восьмым па ліку майстрам у Ганцавіцкім раёне, які атрымаў ганаровае званне «Народны майстар Беларусі».
Вольга Івановіч — народны майстар Беларусі
Рашэнне аб прысваенні статусу народнага майстра было прынята 13 снежня на пасяджэнні экспертнай камісіі па народных мастацкіх рамёствах пры Міністэрстве культуры Рэспублікі Беларусь.
Высокую адзнаку Вольга Паўлаўна атрымала за ўзнаўленне рамяства маляваных дываноў. Майстар здолела не толькі захаваць сакрэты традыцыйнага малявання для нашчадкаў, але і шчодра дзеліцца сакрэтамі майстэрства падчас правядення майстар-класаў, актыўна прымае ўдзел у шматлікіх фестывалях, выставах і святах народнай творчасці.
Шчыра віншуем майстра з гэтым дасягненнем! Няхай усе творчыя пачынанні і праекты абавязкова ўвянчаюцца поспехам! |