Аўторак, 19.03.2024, 17:01

АЛТАР

Галоўная »
АЛТАР (ад лацінскага «высокі») – ахвярнік, найвышэйшая частка хрысціянскага храма, дзе выконваюцца таінствы. Былі, ёсць галоўны і бакавы алтары. На Беларусі захаваліся драўляныя алтары пачатку XVII ст., пабудаваныя на аснове рэнесансавых архітэктурных форм (партал, трыумфальная арка і інш.). Гэта – трыпціх з капліцы ў в.Мохавічы Лідскага раёна (захоўваецца ў Музеі старажытнабеларускай культуры ІЭФ НАН Беларусі). Найбольш тыповым стаў 2-ярусны 3-восевы алтар (з абразом у цэнтры і скульптурай у бакавых нішах (Воўпаўскі касцёл Іаана Хрысціцеля). Унікальны алтар збярогся ў Будслаўскім касцёле бернардзінцаў.

З сярздзіны XVII ст. алтары афармляюцца ў барочным стылі (вітыя калонкі і інш). У касцёле езуітаў у Гродне, у касцёле ў в.Новая Мыш, у іншых мясцінах. Адзінкавыя алтары перарастаюць у дэкаратыўныя комплексы. У перыяд ракако з'яўляюцца алтары, дзе архітэктурная структура хаваецца за разьбяным дэкорам (у касцёлах в.Вішнева Валожынскага і в.Дзераўная Стаўбцоўскага раёнаў). Побач з дрэвам ужываліся і іншыя матэрыялы.

На працягу XVIII ст. алтары амаль выцесніліся іканастасамі з уніяцкіх храмаў. Ёсць думка, што гэта спрасціла алтар, бо знікла дэкаратыўная разьба, паменшылася колькасць скульптур, а вось алтарныя комплексы XVII – XVIII ст. у Гродне, Воўпе, Будславе, Пінску, Новай Мыты многімі прызнаюцца мастацкай каштоўнасцю, выдатнымі ўзорамі беларускай разьбы па дрэве. У сувязі з гэтым варта нагадаць, што ў тыя часы сапраўды была шырока вядома беларуская школа ў гэтай справе. Яе майстроў запрашалі ці прымусова у час войнаў вывозілі для працы ўсходнія суседзі. Скажам, праславіўся Акулаў Герасім (Гераська) – разьбяр па дрэве XVII ст. Ён нарадзіўся ў Дуброўне. З 1654 года працаваў у Іверскім (пад Ноўгарадам), у 1658 – 1666 гг. у Нова-Іерусалімскім (пад Масквой) манастырах, у 1666 г. – у Збройнай палаце, у 1667 – 1668 гг. удзельнічаў у аздабленні Каломенскага палаца. Ён і адзін са стваральнікаў разьбяных іканастасаў трох цэркваў у Ізмаўлаўскай сядзібе цара Аляксея Міхайлавіча. У 1686 г. удзельнічаў ў стварэнні іканастаса царквы Пятра і Паўла ў Маскве.
Меню
Відэаканал GantsRegion
Уваход

Пошук
Катэгорыі раздзелу
Публікацыі [252]
Каталог файлаў [100]
Малая краязнаўчая энцыклапедыя [115]
Культура [194]
Адукацыя [37]
Спорт [1378]
Здарэнні [459]
Грамадства [463]
Эканоміка [36]
Транспарт [141]
Блог [6]
Падарожнічаем разам [18]
Каляндар
«  Сакавік 2024  »
ПанАўтСерЧацПятСубНяд
    123
45678910
11121314151617
18192021222324
25262728293031
Хто тут?
Анлайн усяго: 4
Гасцей: 4
Карыстальнікаў: 0

Статыстыка і партнёры
Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.