ВІТРАЖ (франц. ад лац. шкло) – арнаментальная або сюжэтная кампазіцыя (у светлавым праёме, у выглядзе пано) са шкла ці іншых матэрыялаў, што прапускаюць святло.

На Беларусі вядомы з XV ст. (у капліцах фарнага касцёла ў Навагрудку, касцёле бернардзінцаў у Гродне).

Шырока развіты і ў сучасным манументальна-дэкаратыўным мастацтве (паяныя вітражы ў інтэр'ерах касцёла Сымона і Алены (1974 г., Г.Вашчанка), Доме літаратара, Музей Янкі Купалы (1976 – 1977 гг., У.Стэльмашонак); з выкарыстаннем размалёўкі эпаксіднымі смоламі – ў Тэатры юнага гледача (1978 г., У.Ткачоў, В.Нямцоў) і інш.