ГЛАВАЦКІЯ – мастакі ХVІІ – ХІХ стст., бацька і сын, якія адлюстроўвалі жыццё Беларусі, Літвы і Польшчы. Антоні (каля 1750 – 1811 гг.) быў тэатральны мастак і партрэтыст.
Каля 1787 г. афармляў дэкарацыі ў Шклоўскім тэатры Зорыча, у 1794 – 1802 гг. – у Магілёўскім тэатры С.Богуша-Сестранцэвіча (дзядзькі В.Дуніна-Марцінкевіча), напісаў партрэт уладальніка тэатра, размалёўваў гарадскія цэрквы і касцёлы. З 1789 г. у Мінску і ў Вільні.
Юзаф Гіляры (1789, Мінск – 1858) – тэатральны мастак, жывапісец і літограф. Вучыўся і працаваў у
Віленскай мастацкай школе, афармляў спектаклі ў тэатрах Мінска (1806 – 1808), Вільні (1808 – 1825), Варшавы (1826 – 1858). Намаляваў нямала партрэтаў і пейзажаў.