БОРТНАЕ ЗНАМЯГалоўная »
БОРТНАЕ ЗНАМЯ — бортны знак. Называлася таксама кляймо. Абазначала прыналежнасць борці пэўнаму гаспадару.
Бортныя знамёны
Бортнае знамя высякалі на ствале борцевага дрэва на ўзроўні вачэй. У аснове кампазіцыі — геаметрычныя фігуры: спалучэнні розных па велічыні і форме трохвугольнікаў, рысак, дужак і інш. Аналагічныя знакі ўжываліся пры межаванні зямлі, лугоў, лесу, азёр, рэчак.
Бортныя знакі былі своеасаблівымі сямейнымі гербамі, якімі абазначалі ўласныя рэчы і прылады працы. Старцы, дзесяцкія і іншыя выбарныя кіраўнікі сялянскіх грамад у 15 — 17 ст. выкарыстоўвалі бортнае знамя замест подпісаў на службовых паперах, копнікі — на пастановах копных судоў. Старажытныя бортныя знамені захаваліся да нашага часу. Адным з іх пазначаны 500-гадовы дуб «Мінтус» каля в.Рашотнікі Рэчыцкага раёна.
|