БРАВЭРКА — 1) старадаўні мужчынскі доўгі аднабортны пінжак з даматканага сукна. Пярэднія полкі рабілі цэльнымі з дзвюма праразнымі і дзвюма накладнымі кішэнямі, спінку — з падразной шырокай гесткай, са швом пад гесткай і хлясцікам. Каўнер і барты адкладныя, рукаў завужаны ўнізе. У 19 — пачатку 20 ст. была пашырана сярод заможных сялян, засцянковай шляхты. Пазней падобнае
адзенне пад назвай «марынарка» бытавала ў сялян Заходняй Беларусі.
2) Верхняя кароткая мужчынская вопратка звычайна з аўчын, абцягнутых даматканым сукном.