Промысел найбольшае развіццё атрымаў у 19 ст. Вырабляюць паліваны кухонны, сталовы, тарны посуд, цацкі. Вырабы вызначаюцца прапарцыянальнасцю, ураўнаважанасцю і завершанасцю форм, светлым альбо светла – чырвоным колерам глін у спалучэнні з празрыстай альбо зялёнай палівай. Упрыгожваюць прамымі і хвалістымі выціснутымі або маляванымі лініямі. Вырабляюць таксама чорназадымлены посуд.
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с.