ГАСЦІННЫ ДВОР – комплекс збудаванняў, дзе часова пражывалі і гандлявалі купцы і захоўваліся іх тавары.

Уключаў гасціны дом, гандлёвыя і складскія збудаванні, важніцы, мерніцы. Пашыраны ў 14 — 19 ст. у вялікіх гарадах. Манументальны комплекс гасціннага двара існаваў у 17 ст. ў Віцебску. У 17 — 18 ст. на аснове гасцінных двароў створаны гандлёвыя рады, якія мелі толькі гандлёвыя і складскія памяшканні, часта злучаліся з ратушамі.

Драўляны гасцінны двор з 2-павярховых крам, што стваралі прамавугольны ў плане комплекс, быў у 18 — пачатку 19 ст. ў Тураве (Жыткавіцкі р-н).