ГІРСКАЯ КАПЛІЦАГалоўная »
ГІРСКАЯ КАПЛІЦА размяшчаецца на могілках на паўднёвай ускраіне вёскі Гіры Астравецкага раёна Гродзенскай вобласці. Пабудавана ў першай палавіне 19 ст. з дрэва.
Помнік народнага дойлідства з рысамі класіцызму. Вырашана прамавугольным зрубам пад двухсхільным дахам, вынасны трохвугольны франтон якога на фасадзе падтрыманы чатырмя слупамі, што імітуе своеасаблівы порцік. На франтоне на фоне гарызантальна ашаляванага тымпана размешчана драўляная скульптура Укрыжаванне.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|