КАРЭТА – чатырохколы закрыты конны экіпаж на рысорах. Была пашыраная ў XVII – пачатку XX ст. (у дакументах эпізадычна ўпамінаецца з XVI ст.). Напачатку бытавала пры дварах магнатаў. У канцы XVIII ст. удасканаленая, стала больш зграбнай і лёгкай на хаду.


У дэкоры адлюстроўваліся агульнаеўрапейскія мастацкія стылі – барока, класіцызм, ампір. Знешні выгляд у многім адлюстроўваў сацыяльнае і маёмаснае становішча іх уладальніка. Карэту везлі 2 – 6 коней, запрэжаных папарна цугам.