КЛОК — рыбалоўная прылада для прываблівання самоў на кручок. Па форме падобны на
лыжку, вырабленую з дрэва або рога.
Клок
Рыбалоў адной рукой кіраваў чоўнам, а ў другой трымаў шнур з прынадай на трывалым кручку і клок, якім рытмічна біў па вадзе. Гук ад плёскату вады прывабліваў самоў на прынаду — мяса жаб або малюскаў. Лоўля самоў пры дапамозе клока была найбольш пашыранай на Прыпяці і Дняпры.