«КЛОСЫ», «Klosy», «Каласы» — ілюстраваны навукова-літаратурны часопіс. Выдаваўся на польскай мове ў Варшаве ў 1865—90 гг. Рэдакцыйным камітэтам кіравалі К.Вуйціцкі (да 1875), А.Пяткевіч (А.Плуг, у 1879—90 гг. рэдактар часопіса). Змяшчаў артыкулы па археалогіі, фальклоры, краязнаўству, літаратуры, гісторыі, мастацтву, дойлідству, біяграфічныя матэрыялы. Беларусі прысвечаны публікацыі «Танцы люду з-над Віліі» (1864, т 3.) М.Камінскага, «Задняпроўе. Нататкі з падарожжа» (1867, т. 5) Э.Хлапіцкага, «На азёрах» (1869, т. 9) В.Поля, «Экскурсія ў Пінск і на Піншчыну» (1877, т. 24) З.Шчэрага, «
Адам Ганоры Кіркор» (1886, т. 43) А.Плуга, «Перажыткі язычніцтва на Палессі» (1890, т. 50) В.Бютнера і інш.