«КРУТУХА» — традыцыйны танец. Музычны памер 2/4. Тэмп хуткі. Аснова пабудовы танца — геаметрычны ўзор,
арнамент. Для «крутухі» характэрна масавае і парна-масавае выкананне, часам выконваюць толькі тры танцоры. Галоўны рух — полька ў пары па крузе то ў адзін, то ў другі бок. Рэгіянальныя варыянты ўключаюць таксама шэн па крузе, пераход да іншага партнёра, кручэнне пад рукой.
Танец суправаджаецца шматлікімі прыпеўкамі. Распаўсюджаны па ўсёй Беларусі.