КРЫЛО — прыстасаванне, якім пчаляры змяталі пчол з сотаў, калі падмяталі вуллі вясной і пры іх кантрольных аглядах на працягу сезона, a таксама пры аграбанні раёў у раёўню. Называлася таксама крылка.

Звычайна гэта было крыло дзікай або свойскай птушкі, найчасцей за ўсё гусінае. У наш час ужываюцца шчоткі са шчаціння ці конскага воласу. Крылом гаспадыні змяталі з прыпечка смецце.