ЛАЗАВІК, вулей – плецены з суцэльных неакораных дубцоў лазы. Сценкі лазавіка з абодвух бакоў абмазвалі глінай, перамешанай з сухім конскім гноем і заціралі сумессю з гліны і рачнога глею (што засцерагала вулей ад дажджу і вільгаці).


Тэхналогія ўтрымання пчол у лазавіку і догляд за імі тыя ж, што і ў калодах. Выкарыстоўваліся галоўным чынам для часовага ўтрымання пчол.