ЛЕГЕНДАРНЫЯ КАЗКІ — від казачнага эпасу; блізкія да легендаў. Дзейнымі асобамі ў іх, апрача людзей, выступаюць святыя, чорт, дзеянне адбываецца і на зямлі, і ў замагільным свеце. У некаторых казках сюжэты распрацаваныя ў духу хрысціянскай маралі, аднак нямала і скіраваных супраць рэлігійных догмаў. Сатырычныя легендарныя казкі сваім зместам набліжаюцца да анекдотаў. У казках адлюстраваліся супярэчнасці ў светапоглядзе сялянаў, у іх стаўленні да свяшчэннага пісання і святых.