МАТАЧНІК — 1) крацістая драўляная пушачка рознай формы з ручкай (да 0,5 м) для часовага ўтрымання і пераноскі пчалінай маткі з адной борці ў другую. Лакальныя назвы рашотка, рашатня.

2) Ячэйка для вывядзення матак. Адрозніваюць тры віды матачнікаў: раявыя, што будуюць пчолы на місачцы перад пачаткам раення, свішчавыя — на пчалінай каморцы для вывядзення маткі на замену старой, штучныя — на прывівачнай рамцы з пераносам лічынкі. Апошнія шырока распаўсюджаны на пчолагадавальніках.