МІНСКАЕ ЛІТАРАТУРНА-АРТЫСТЫЧНАЕ ТАВАРЫСТВА — культурна-асветная арганізацыя. Існавала ў
Мінску ў 1906 — 1909 гг. Створанае сябрамі забароненага Мінскага таварыства аматараў прыгожых мастацтваў В.Чавусавым, К.Фальковічам, С.Нейфахам, А.Зярновым і інш.
Ставіла за мэту служыць згуртаванню мясцовых літаратараў, артыстаў і мастакоў, садзейнічала развіццю і пашырэнню літаратурнай адукацыі і мастацтва ў Мінскай губерні. Спыніла дзейнасць з-за рэпрэсіяў.