МІНСКАЕ МУЗЫЧНАЕ ВУЧЫЛІШЧА — існавала ў 1907 — 1915 гг. Заснаванае па ініцыятыве скрыпача, выхаванца Пецярбургскай кансерваторыі Натана Рубінштэйна. Заняткі праводзіліся па класах фартэпіяна, скрыпкі, віяланчэлі, тэорыі музыкі, гармоніі і сальфеджыа. Вучэльня стала цэнтрам музычнага жыцця
Мінска. У 1913 г. у ім адкрылася чытальня і бібліятэка Мінскага таварыства сяброў музыкі. За навучальны год наладжвалася 5 — 6 камерных і сімфанічных канцэртаў з дастаткова сур’ёзнымі і складанымі праграмамі. З лекцыямі па пытаннях музычнага мастацтва выступаў І.Патулаў.
У час Першай сусветнай вайны навучэнцы выступалі з канцэртамі ў лазарэтах, ваенных шпіталях, дзіцячым прытулку.